شاہد آفریدی کا متوقع چیئرمین پی سی بی رمیز راجہ کو مشورہ

واشنگٹن: قومی کرکٹ ٹیم کے سابق کپتان شاہد آفریدی نے متوقع چیئرمین پی سی بی رمیز راجہ کو مشورہ دیا کہ وہ مخلص اور پیشہ ور لوگوں کو قریب کریں۔

شاہد آفریدی  نے  واشنگٹن میں میڈیا سے گفتگو کرتے ہوئے کہا کہ ٹی ٹوئنٹی ورلڈکپ کے لیے منتخب ٹیم حیران کن ہے، 2 سے 3  کھلاڑیوں کا نہ ہونا اور کچھ کھلاڑیوں کا ہونا ضروری تھا، ٹیم کے انتخاب میں سلیکشن کمیٹی کا بڑا کردار ہوتا ہے۔

انھوں نے مزید کہا کہ اُ مید ہے رمیز راجہ کے آنے سے کچھ بہتری آئے گی  کیونکہ وہ ایک عرصے سے کرکٹ کے قریب ہیں لیکن  کام رمیز بھائی نے نہیں ان کی ٹیم نے کرنا ہے اس لیے رمیز بھائی کو مشورہ ہے مخلص اور پیشہ ور لوگوں کو قریب کریں۔

اس موقع پر صحافی نے سوال کیا کہ اگر آپ کو بورڈ نے کوئی پیشکش کی تو قبول کریں گے؟ اس پر شاہد آفریدی نے کہا کہ ابھی فلاحی کاموں میں مصروف ہوں آگے کی آگے دیکھیں گے۔ 

رمیز راجہ کی کھلاڑیوں سے ملاقات کی اندرونی کہانی

سابق کپتان رمیز راجہ کی خواہش پر کھلاڑیوں سے ان کی ملاقات کا اہتمام کیا گیا تھا۔

ورلڈ کپ کیلئے قومی اسکواڈ کا اعلان، بابر کپتان ہوں گے، سرفراز ڈراپ

ورلڈ کپ کے لیے قومی اسکواڈ کا اعلان کردیا گیا ہے اور یہی ٹیم نیوزی لینڈ اور انگلینڈ کے خلاف سیریز میں بھی حصہ لے گی