10 ستمبر ، 2021
آئی سی ٹی ٹوئنٹی ورلڈ کپ اسکواڈ میں شامل کرکٹر محمد نواز کا کورونا ٹیسٹ مثبت آگیا ہے ۔
پاکستان کرکٹ بورڈ (پی سی بی ) نے پریس ریلیز جاری کرتے ہوئے بتایا کہ قومی کرکٹر محمد نواز کا کورونا ٹیسٹ مثبت آگیا ہے اور انہیں پی سی بی کے کووڈ 19 کے پروٹوکولز کے مطابق قرنطینہ میں بھیج دیا گیا ہے ۔
پی سی بی کے مطابق محمد نواز کا کورونا ٹیسٹ بدھ کے روز اسلام آباد پہنچنے پر کی جانے والی کورونا ٹیسٹنگ کے دوران مثبت آیا۔
پی سی بی کا کہنا ہے کہ قومی اسکواڈ میں شامل دیگر کھلاڑیوں کے کورونا ٹیسٹ منفی آئے ہیں اور انہیں 10 ستمبر سے پنڈی کرکٹ اسٹیڈیم راولپنڈی میں ٹریننگ کرنے کی اجازت ہوگی۔