Can't connect right now! retry

دنیا
23 ستمبر ، 2021

لبنان بھر میں بجلی مکمل بند ہونے کا خدشہ

بیشتر لبنانی عوام بجلی حاصل کرنے کیلئے پرائیویٹ جنریٹرز کا استعمال کر رہی ہے/ فائل فوٹو
بیشتر لبنانی عوام بجلی حاصل کرنے کیلئے پرائیویٹ جنریٹرز کا استعمال کر رہی ہے/ فائل فوٹو

بیروت: لبنان کی سرکاری بجلی کمپنی نے کہا ہے کہ رواں ماہ کے آخر تک ملک بھر میں مکمل طور پر بلیک آؤٹ کا خطرہ ہے کیونکہ اس کے تیل کے ذخائر تیزی سے کم ہو رہے ہیں۔

معاشی بحران سے دوچار لبنان پچھلے کچھ مہینوں سے ایندھن کی قلت کا شکار ہے اور بیشتر لبنانی عوام بجلی حاصل کرنے کیلئے پرائیویٹ جنریٹرز کا استعمال کر رہی ہے۔

جمعرات کو سرکاری پاور کمپنی نے ایک بیان میں کہا کہ عراق کے ساتھ ہونے والی ڈیل کے ذریعے کمپنی تیل سے 500 میگاواٹ سے بھی کم بجلی پیدا کرسکتی ہے۔

کمپنی کاکہنا ہےکہ اس کے گریڈ اے اور گریڈ بی فیول آئل کے ذخائر ایک نازک مقام پر پہنچ چکے ہیں جب کہ پہلے ہی کچھ پلانٹس پر تیل ختم ہو چکا ہے اور وہاں اب پیداوار روک دی گئی ہے۔

بیان میں مزید کہا گیا ہے کہ پہلے ہی ملک بھر میں مجموعی طور پر 7 بار بلیک آؤٹ ہو چکا ہے اور اگر حالات ایسے ہی رہے تو ستمبر کے آخر تک ملک میں ایک اور مکمل بلیک آؤٹ کا خطرہ ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM