Can't connect right now! retry

کاروبار
24 ستمبر ، 2021

اسٹیٹ بینک نے درآمدی گاڑیوں کی فنانسنگ پرپابندی لگادی

اسٹیٹ بینک آف پاکستان نے درآمدی گاڑیوں کی فنانسنگ پر پابندی عائد کر دی۔

مرکزی بینک نے گاڑیوں کی فنانسنگ کی زیادہ سے زیادہ حد 7 سال سے کم کرکے 5 سال اور پیشگی ادائیگی 15سےبڑھا کر 30 فیصد کر دی ہے جبکہ ذاتی قرض کی زیادہ سے زیادہ مدت 5 سال سے کم کرکے 4 سال کر دی گئی ہے۔

اسٹیٹ بینک کے مطابق کوئی بھی شخص گاڑی کی فنانسنگ کے لیے بینکوں اور مالیاتی اداروں سے مجموعی طور پر 30 لاکھ روپے تک قرض لے سکےگا۔

درآمدی ڈالر ادائیگیوں کی نگرانی سخت کر دی گئی

مرکزی بینک نے کمرشل بینکوں کو احکامات جاری کیے ہیں کہ 5 لاکھ ڈالر سے زائد درآمدی ادائیگی کی تفصیلات اسٹیٹ بینک کو جمع کروائی جائیں۔

اس سے پہلے کمرشل بینک 10 لاکھ ڈالر یا اس سے زائد مالیت کی درآمدی ادائیگی کی تفصیلات مرکزی بینک کو جمع کروانے کے پابند تھے۔

اس کے علاوہ مرکزی بینک نے بینکوں کو 5 روز میں کی جانے والی درآمدی ادائیگیوں کی تفصیلات جمع کروانے کے احکامات بھی دیے ہیں۔

اس سے پہلے بینکوں کو 2 روز میں کی جانے والی ادائیگیوں کی تفصیلات جمع کروانا ہوتی تھیں۔

ماہرین کے مطابق اسٹیٹ بینک کے اقدامات کا مقصد درآمدی نمو کو قابو کرنا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM