کل جماعتی حریت کانفرنس کا وزیراعظم کے جنرل اسمبلی سے خطاب کا خیر مقدم

کُل جماعتی حریت کانفرنس نے وزیراعظم عمران خان کے جنرل اسمبلی سے خطاب کا خیر مقدم کیا ہے۔

وزیراعظم کا جنرل اسمبلی سے خطاب: کشمیر، افغانستان، اسلاموفوبیا پر کھل کر بات کی

جنوبی ایشیا میں امن کا دارومدار مسئلہ کشمیر کے حل پر ہے، طالبان کا قتدارمیں آنا پاکستان کی وجہ سےنہیں، جو ایسٹ انڈیا کمپنی نے کیا وہی ترقی پذیر ملکوں کی اشرافیہ کررہی ہے، عمران خان

کل جماعتی حریت کانفرنس کے نائب چیئرمین غلام احمد گلزارکا کہنا تھا کہ وزیراعظم عمران خان کا خطاب مستند دستاویزات، تاریخی حقائق پرمبنی تھا۔

ان کا کہنا تھاکہ عمران خان نے مقبوضہ وادی میں حالات معمول پرہونے کے بھارتی دعوے بےنقاب کیے۔

جنرل سیکرٹری مولوی بشیر احمد عرفانی نے کہا کہ وزیراعظم عمران خان نے کشمیریوں کے جذبات کی حقیقی ترجمانی کی۔

خیال رہے کہ گزشتہ شب وزیراعظم عمران خان نے جنرل اسمبلی سے خطاب کیا تھا۔