Can't connect right now! retry

کھیل
27 ستمبر ، 2021

نیشنل ٹی ٹوئنٹی کپ: شاہین شاہ آفریدی اور اعظم خان پر جرمانہ عائد

دونوں کھلاڑیوں کو پی سی بی کوڈ آف کنڈکٹ کی شق 2.8 کے تحت جرمانہ کیا گیا ہے —فوٹو: پی سی بی ٹوئٹر
دونوں کھلاڑیوں کو پی سی بی کوڈ آف کنڈکٹ کی شق 2.8 کے تحت جرمانہ کیا گیا ہے —فوٹو: پی سی بی ٹوئٹر

نیشنل ٹی ٹوئنٹی کپ میں شامل خیبر پختونخوا کے فاسٹ بولر شاہین شاہ آفریدی اور سدرن پنجاب کے وکٹ کیپر بیٹسمین اعظم خان کو امپائر کے فیصلے پر ناراضگی کا اظہار کرنے  پرجرمانہ عائد کردیا گیا۔

پاکستان کرکٹ بورڈ (پی سی بی) کی جانب سے جاری کردہ پریس ریلیز کے مطابق شاہین آفریدی اور اعظم خان کو امپائر کے فیصلے پر ناراضگی کا اظہار کرنے پر بالترتیب ان کی میچ فیس کا 40 اور 25 فیصد جرمانہ عائد کیا گیا ہے۔

دونوں کھلاڑیوں کو پی سی بی کوڈ آف کنڈکٹ کی شق 2.8 کے تحت جرمانہ کیا گیا ہے۔

دوسری جانب نیشنل ٹی ٹوئنٹی کپ میں شامل سینٹرل پنجاب اور خیبرپختونخوا کی ٹیموں پر  سلو اوور ریٹ پر جرمانہ عائد کردیا گیا۔

پی سی بی کے مطابق راولپنڈی میں جاری نیشنل ٹی ٹوئنٹی کے پہلے مرحلے میں سلو اوور ریٹ پر سینٹرل پنجاب اور خیبر پختونخوا کوبالتریب  40 ہزار اور 25 ہزار  روپے جرمانہ عائد کیا گیا ہے۔

پی سی بی  کے مطابق سینٹرل پنجاب نے خیبر پختونخوا کے خلاف اتوار کو کھیلے گئے میچ میں مقررہ وقت سے 3 اوورز کم کیے، اسی طرح ہفتے کو کھیلے گئے میچ میں خیبر پختونخوا نے سدرن پنجاب کے خلاف مقررہ وقت سے 2 اوورز کم کیے۔

دونوں ٹیموں کو پی سی بی کوڈ آف کنڈکٹ کی شق 2.22 کے تحت جرمانہ کیاگیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM