لاہور ہائیکورٹ کا کرکٹ میچز کی وجہ سے ٹریفک بلاک نہ کرنےکا حکم

لاہور ہائی کورٹ نے کرکٹ میچز کی وجہ سے ٹریفک بلاک کرنے کے معاملے  پر پاکستان کرکٹ  بورڈ (پی سی بی) اور  پولیس حکام کو کل طلب کر لیا۔

لاہور ہائی کورٹ کے جسٹس شاہد کریم نے شیراز ذکاء ایڈووکیٹ کی درخواست پر سماعت کی۔

لاہور ہائیکورٹ نے پی ایس ایل کے دوران ٹریفک جام کا نوٹس لے لیا

عدالت نے میچز کی وجہ سے تعلیمی اداروں میں تعطیل کا بھی نوٹس لے لیا، پی سی بی اور ٹریفک حکام کو پلان کے ساتھ پیش ہونے کا حکم

 درخواست میں آلودگی سے بچاؤ کے لیے اقدامات نہ کرنے کو چیلنج کیا گیا ہے، دوران سماعت درخواست گزار وکیل نے بتایا کہ کرکٹ میچز کی وجہ سے ٹریفک کی روانی بُری طرح متاثر ہو رہی ہے اور ٹریفک بلاک ہونے سے فضائی آلودگی میں بھی اضافہ ہوا ہے۔

 فاضل عدالت نے ہدایت کی کہ کرکٹ میچز کی وجہ سے ٹریفک بلاک نہ کی جائے اور نہ ہی اس کی روانی متاثر ہو، عدالت نے پی سی بی اور   پولیس حکام کو طلب کرتے ہوئے درخواست  پر مزید کارروائی کل تک ملتوی کردی۔