Can't connect right now! retry

کاروبار
09 اکتوبر ، 2021

سندھ میں گیس کا بحران شدید، نجی بجلی گھروں کو بھی سپلائی معطل

ملک میں گیس کا بحران شدت اختیار کر گیا جس کے بعد تین دن کے لیے نان ایکسپورٹ صنعتوں کو گیس کی فراہمی بند کر دی گئی۔ 

سندھ میں بھی گیس بحران کی وجہ سے سوئی سدرن کوگیس پریشرمیں شدید دشواری  کا سامنا ہے جب کہ سوئی سدرن کو آرایل این جی سپلائی میں بھی کمی کا سامنا ہے۔

گیس بحران کے پیش نظر نان ایکسپورٹ صنعتوں سمیت نجی بجلی گھروں کوبھی گیس کی سپلائی پیر تک بند کردی گئی ہے جو پیر کی صبح 8 بجے تک بحال کی جائے گی۔

ترجمان سوئی سدرن کا کہنا ہے کہ سمندرمیں تیز لہروں کے باعث ایل این جی کےجہازکی آمد میں تاخیر ہے،گیس کی کمی پرلوڈ مینجمنٹ پلان کے تحت تقسیم کی جارہی ہے۔

انہوں نے کہا کہ گھریلوصارفین کو بلا تعطل گیس فراہم کی جائےگی۔

دوسری جانب ایف پی سی سی آئی نے سوئی سدرن کی جانب سے تین دن کے لیے صنعتوں کو غیراعلانیہ گیس کی بندش کے فیصلے کو مسترد کردیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM