کروز شپ منشیات کیس: این سی بی کا بالی وڈ پروڈیوسر کے گھراور دفتر پر چھاپہ

بھارتی نارکوٹکس کنٹرول بیورو نے کروز شپ کیس میں بالی وڈ پروڈیوسر کے گھر اور دفتر پر چھاپہ مارا ہے۔

آریان خان کا منشیات کے لیے ’کوڈ ورڈ‘ سامنے آگیا

درخواستِ ضمانت کی سماعت کے دوران ایڈیشنل سالیسیٹر جنرل انیل سنگھ نے آریان کی واٹس ایپ چیٹ کے حوالے سے ایک بڑا انکشاف کیا۔

غیر ملکی میڈیا کےمطابق کروز شپ منشیات کے کیس میں شاہ رخ خان کے بیٹے آریان کی دیگر ملزمان کے ساتھ گرفتاری کے بعد این سی بی کی جانب سے چھاپوں کا سلسلہ جاری ہے۔

میڈیا رپورٹس کے مطابق نارکوٹکس بیورو کے حکام نے کیس کے سلسلے میں بھارتی فلم ساز امتیاز کھتری کے گھر اور دفتر پر بھی چھاپہ مارا۔

این سی بی نے جمعے کے روز ممبئی کے علاقے باندرہ میں امتیاز کھتری کے گھر اور دفتر پر چھاپہ مارا جس کی اطلاع نارکوٹکس حکام نے ہفتے کے روز باضابطہ طور پر دی۔

ویڈیو: گوری خان بیٹے آریان کو جیل جاتا دیکھ کر صدمے سے دوچار

گوری خان کی ویڈیو سوشل میڈیا کے مختلف پلیٹ فارمز پر وائرل ہے

میڈیا رپورٹس کےمطابق این سی بی حکام نے دورانِ تفتیش ملزم اچت کمار کی نشاندہی پر امتیاز کھتری کے گھر اور دفتر پر چھاپہ مارا۔

این سی بی حکام نے امتیاز کھتری کو ہفتے کو دفتر میں پیش ہونے کا بھی حکم دیا ہے۔

اس موقع پر این سی بی ممبئی زون کے ڈائریکٹر کا کہنا تھا کہ نارکوٹکس کنٹرول بیورو اور پراسیکیوشن اس کیس کو منطقی انجام تک پہنچائیں گے۔

انہوں نے کہا کہ ہمارا کیس مضبوط ہے اور اسے سیشن کورٹ میں پیش کیا جائے گا۔