عالمی سطح پر تیل کی قیمت بڑھنے کے اثرات پاکستان پر بھی پڑے: شہزاد اکبر

اسلام آباد: وزیراعظم کے مشیر برائے داخلہ و احتساب شہزاد اکبر نے ملک میں پیٹرولیم مصنوعات کی قیمتوں میں اضافے کو عالمی سطح پر تیل کی قیمت میں رد و بدل کے اثرات قرار دیا ہے۔

اسلام آباد میں پریس کانفرنس کرتے ہوئے شہزاد اکبر نے کہا کہ انکوائری کے بعد شوگرانکوائری کمیشن تشکیل دیاگیا اور ماہرین کے ذریعے انکوائریزکی گئیں، شوگر انکوائری کمیشن کے لیے وزیراعظم نے اعلان کیا، انکوائری کمیشن نے انکوائری مکمل کرکے کابینہ کو دی۔

حکومت نے عوام پر پیٹرول بم گرا دیا، 12روپے سے زائد کا بڑا اضافہ

وزارت خزانہ نے پیٹرولیم مصنوعات کی قیمتوں میں اضافے کا نوٹیفکیشن بھی جاری کر دیا ہے

انہوں نے کہا کہ شوگرانکوائری کمیشن میں بہت سے انکشافات ہوئے اور کمیشن کی رپورٹ کی روشنی میں کارروائیاں کی گئیں، انکوائری کمیشن کی رپورٹ میں کہا گیا کہ ٹیکس سے بچنے کے لیے چینی بلیک میں فروخت کی جاتی ہے، ابھی کچھ ملز کا آڈٹ مکمل نہیں ہوا۔

پیٹرول کی قیمت پر بات کرتے ہوئے شہزاد اکبر کا کہنا تھا کہ بین الاقوامی مارکیٹ میں پیٹرولیم مصنوعات کی قیمتیں بڑھ گئی ہیں اور عالمی سطح پرپیٹرولیم مصنوعات کی قیمتیں بڑھنےکے اثرات پاکستان پربھی پڑے ہیں۔

انہوں نے بتایا کہ پورے ملک میں 2000 سے زائد غیرقانونی پیٹرول پمپس کوبند کیا گیا۔