ٹی ٹوئنٹی ورلڈکپ، قومی ٹیم کے دبئی پہنچنے کے بعد کورونا ٹیسٹ کے نتائج منفی آگئے

ٹی ٹوئنٹی ورلڈ کپ کیلئے پاکستان کرکٹ ٹیم کے دبئی پہنچنے کے بعد ہونے والے کورونا ٹیسٹ کے نتائج منفی آگئے۔

گزشتہ روز دبئی پہنچنے پر قومی ٹیم کی کورونا ٹیسٹنگ ہوئی تھی جس کے بعد اب  ٹیسٹ کے نتائج منفی آئے ہیں۔

قومی اسکواڈ ٹی ٹوئنٹی ورلڈ کپ میں شرکت کیلئے امارات پہنچ گیا

قومی ٹیم میں شامل 15 کھلاڑی، 3 ٹریول ریزرو اور سپورٹ اسٹاف کے ارکان دبئی میں ایک روز کی آئسولیشن مکمل کریں گے۔

ٹیسٹ منفی آنے کے بعد قومی اسکواڈ کے ارکان کو اکٹھے سرگرمیوں کی اجازت مل گئی ہے۔

ترجمان کے مطابق قومی اسکواڈ نے دبئی کے ہوٹل میں پہلے روز دو گھنٹے سے زائد کا جم سیشن کیا، کھلاڑیوں نے ریکوری کیلئے پول سیشن میں بھی حصہ لیا۔

اسکواڈ کا پہلا سیشن کل شام چھ بجے سے آئی سی سی اکیڈمی میں شیڈولڈ ہے۔

قومی ٹیم کو میگا ایونٹ میں اپنے پہلے میچ سے قبل دو وارم اپ میچز بھی کھیلنا ہیں جو 18 اکتوبر کو ویسٹ انڈیز اور 20 اکتوبر کو جنوبی افریقا کے خلاف ہوں گے۔