برطانوی رکن پارلیمنٹ کا قتل، گرفتار شخص کا نام سامنے آگیا

لندن: برطانیہ میں کنزرویٹو  پارٹی کے رکن پارلیمنٹ کے قتل کے شبہے  میں گرفتار شخص کا نام ظاہر کر دیا گیا ہے۔

برطانوی میڈیا کے مطابق ایسیکس  کاؤنٹی میں کنزرویٹو  پارٹی سے تعلق رکھنے والے رکن پارلیمنٹ ڈیوڈ ایمس کو ایک چرچ کے قریب  چاقو سے حملہ کر کے قتل کر دیا گیا تھا۔

برطانوی حکام نے حملے کو دہشت گردی قرار دیتے ہوئے حملہ آور کے گرفتار ہونے کی تصدیق بھی کی تھی۔

برطانوی رکن پارلیمنٹ چاقو حملے میں ہلاک ہوگئے

ایسیکس میں کنزرویٹو پارٹی سے تعلق رکھنے والے رکن پارلیمنٹ ڈیوڈ ایمس پر ایک چرچ کے قریب حملہ کیا گیا جس میں وہ جانبر نہ ہوسکے

میڈیا رپورٹ کے مطابق اب بتایا گیا ہے کہ رکن پارلیمنٹ کےقتل کےشبہے میں گرفتار شخص کا نام علی حربی علی  ہے جبکہ  ایک  اخبار نے دعویٰ کیا ہے کہ حملہ آور نے انسداد  انتہا پسندی  پروگرام  میں شرکت کی تھی۔

رپورٹس کے مطابق مشتبہ شخص کو ڈیوڈ  ایمس  پر حملے کے فوراً بعد گرفتار کیا گیا تھا اور صومالی نژاد ملزم  سکیورٹی سروسز کی نگرانی میں نہیں تھا۔