دپیکا پڈوکون نے 'بیلن' کی تصویر کیوں شیئر کی؟

ایک پروگرام میں رنویر کو ان کی اور دپیکا کی ایک تصویر دکھائی گئی تھی جس میں انہیں بتانا تھا کہ مذکورہ تصویر کس جگہ لی گئی ہے__فوٹو فائل
ایک پروگرام میں رنویر کو ان کی اور دپیکا کی ایک تصویر دکھائی گئی تھی جس میں انہیں بتانا تھا کہ مذکورہ تصویر کس جگہ لی گئی ہے__فوٹو فائل

بالی وڈ اداکارہ دپیکا پڈوکون کی حالیہ انسٹاگرام اسٹوری سوشل میڈیا پر موضوع بحث بنی ہوئی ہے۔

دپیکا نے اپنے شوہر رنویر سنگھ کے نئے شو 'دی بگ پکچر 'کو پروموٹ کرتے ہوئے پروگرام کے فارمیٹ کے تحت بیلن کی تصویر شیئر کی اور 4 آپشن بھی دیے۔

دپیکا نے اسٹوری پر لکھا کہ کچن میں استعمال ہونے والی اس چیز کا اصل استعمال کیا ہے؟

ساتھ ہی اداکارہ نے چند آپشنز بھی دیے جس میں روٹی بنانا، انڈا پکانا، دیر سے گھر آنے پر شوہر کی پٹائی کرنا اور گلی کرکٹ میں بیٹ کی طرح کام آنا شامل ہیں۔

تاہم اداکارہ کی اسٹوری شیئر کرتے ہوئے رنویر نے لکھا کہ مجھے علم نہیں کہ اسے کیوں استعمال کیا جاتا ہے، میں لائف لائن لینا چاہوں گا۔

دپیکا پڈوکون نے بیلن کی تصویر کیوں شیئر کی؟

خیال رہے کہ اس سے قبل شو کے پرومو کی شوٹنگ کے دوران رنویر نے دپیکا سے مار کھانے سے متعلق بات کی تھی۔

ایک پروگرام میں رنویر کو ان کی اور دپیکا کی ایک تصویر دکھائی گئی تھی جس میں انہیں بتانا تھا کہ مذکورہ تصویر کس جگہ لی گئی ہے۔ رنویر نے تصویر دیکھتے ہی کہا تھا کہ یہ تو بتانا ہی ہوگا ورنہ دپیکا سے تھپڑ کھانا پڑے گا۔

مزید خبریں :