قندھار کی مسجد میں جمعے کو ہونیوالے خودکش دھماکے کی سی سی ٹی وی فوٹیج سامنے آگئی

افغانستان کے شہر قندھار کی مسجد میں جمعے کو ہونے والے خودکش دھماکے کی سی سی ٹی وی فوٹیج سامنے آگئی۔

فوٹیج میں تین خودکش حملہ آوروں کو مسجد کے محافظوں پرفائرنگ کرتے دیکھا جاسکتا ہے۔ 

قندھار میں ہونے والے خودکش دھماکے میں اموات 47 ہوگئیں

قندھار خودکش دھماکے کی اقوام متحدہ اور امریکا نے بھی شدید مذمت کی ہے

سی سی ٹی وی فوٹیج کے مطابق مسجد کے باہر موجود محفاظوں نے مزاحمت کی، مسجد کے محافظ کی فائرنگ سے دو حملہ آور ٹانگ پرگولی لگنے سے زخمی ہوتے ہیں لیکن حملہ آور زخمی ہونے کے باوجود مسجد میں داخل ہوجاتے ہیں۔

ویڈیو میں دیکھا جاسکتا ہے کہ ایک حملہ آور مسجد کے دروازےپرخود کو اڑا لیتا ہے اور پہلے دھماکے کے بعد مسجد کے صحن میں بھگدڑ مچ جاتی ہے، باقی دوخودکش حملہ آور مسجد کے اندر داخل ہوکریکے بعد دیگرے خود کو اڑا دیتے ہیں۔

تینوں خودکش حملہ آوروں کی عمریں 15 سے 20 سال کے درمیان تھیں۔ 

خیال رہے کہ قندھار مسجد میں خودکش دھماکوں میں45 سے زائد نمازی شہید اور 90 زخمی ہوئے تھے۔