ایک ماہ کے احتجاج کے بعد سوڈانی فوج نے معزول وزیراعظم کو عہدے پر بحال کردیا

سوڈان میں ایک ماہ سے جاری پر تشدد مظاہروں کے بعد سوڈانی  وزیراعظم عبداللہ حمدوک کو عہدے پر بحال کردیا گیا۔

 ایک ماہ سے جاری پر تشدد مظاہروں کے بعد فوجی سربراہ جنرل عبدالفتح البرہان اور سابق وزیراعظم حمدوک کے درمیان معاہدہ ہوگیا، اقتدار کی منتقلی کی بحالی کے معاہدے پر دستخط کے بعد وزیراعظم حمدوک کی نظر بندی ختم ہوگئی اور انہیں عہدے پر بحال کردیا گیا۔

معاہدے کے تحت تمام سیاسی قیدیوں کوبھی رہا کردیا جائےگا، معاہدے کے تحت حمدوک عبوری دورکے لیے ٹیکنوکریٹس کی سویلین حکومت کی قیادت کریں گے۔

دوسری جانب سویلین اتحاد اورکئی مزاحمتی کمیٹیوں نے معاہدے کو مسترد کردیا ہے۔

خیال رہےکہ سوڈانی فوج نے 25 اکتوبرکوفوجی بغاوت کے بعد وزیراعظم حمدوک کو نظربند کردیا تھا جس کے بعد سے سوڈان میں سیاسی جماعتوں کی جانب سے احتجاجی مظاہرے جاری تھے۔

سوڈان میں حکومت کیخلاف فوجی بغاوت کی کوشش ناکام بنادی گئی

سوڈانی حکومت نے الزام عائد کیا ہےکہ فوجی بغاوت میں معزول صدر عمر البشیر کے وفادار اہلکار ملوث تھے

سوڈان میں فوج نے حکومت کا تختہ الٹ دیا

فوجی اقدام کے بعد سوڈان کے صدر عمر حسن البشیر کے تقریباً تین دہائی پر محیط اقتدار کا خاتمہ اور عوام کا احتجاج جشن میں تبدیل ہو گیا۔