Can't connect right now! retry

کاروبار
24 نومبر ، 2021

حکومت سے مذاکرات کامیاب، پنجاب فلور ملز نے ہڑتال کا فیصلہ واپس لے لیا

مذاکرات میں 7 میں سے 5 نکات پر اتفاق ہو گیا: ترجمان فلور ملز ایسوسی ایشن:فوٹوفائل
مذاکرات میں 7 میں سے 5 نکات پر اتفاق ہو گیا: ترجمان فلور ملز ایسوسی ایشن:فوٹوفائل 

لاہور: محکمہ خوراک پنجاب اور  فلور ملز  ایسوسی ایشن کے درمیان مذاکرات کامیاب ہوگئے۔

 ترجمان فلور ملز ایسوسی ایشن کے مطابق مذاکرات کے بعد فلور ملز ایسوسی ایشن نے ہڑتال کا فیصلہ واپس لے لیا ہے۔

فلور ملز ترجمان کا کہنا ہے کہ  مذاکرات میں 7 میں سے 5 نکات پر اتفاق ہو گیا اور بقیہ نکات پرمذاکرات جاری رکھنے پر اتفاق کیا گیا ہے۔

ترجمان کے مطابق  اب فلور ملز  پرائیویٹ گندم کا آٹا سفید تھیلے میں کے پی کےسمیت دیگر صوبوں کو ترسیل کر سکیں گی، فلور ملز کے لیے گندم کا کوٹا بڑھانے کابھی اصولی فیصلہ ہو گیا تاہم ملز مالکان اور محکمہ خوراک اس کے لیے مشترکہ لائحہ عمل تیار کریں گی جس کی منظوری کابینہ سےلی جائے گی۔

 ترجمان کا کہنا ہےکہ بات چیت سے آٹے کی قلت اور قیمت کا مسئلہ بھی حل ہو گیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM