Can't connect right now! retry

پاکستان
25 نومبر ، 2021

ویڈیو: شہری پیٹرول لینے کیلئے دودھ کا ڈرم ہی لے آیا

پاکستان پیٹرولیم ڈیلرز ایسوسی ایشن نے 25 نومبر سے ملک بھر میں ہڑتال کا اعلان کیا ہے جس کے بعد 24 نومبر کی شام سے ہی پیٹرول پمپس پر گاڑیوں کی لمبی قطاریں لگ گئیں۔

پیٹرول کے حصول کے لیے شہری ناصرف اپنی گاڑیوں اور موٹر سائیکلوں میں پیٹرول بھرواتے رہے بلکہ اپنے ساتھ کئی بوتلیں بھی لائے۔

اسی حوالے سے حیدرآباد کے ایک پیٹرول پمپ کی ویڈیو سامنے آئی جس میں دودھ فراہم کرنے والی گاڑی کے پیچھے دودھ کے ڈرم رکھے دیکھے جاسکتے ہیں جب کہ شہری ان ہی میں سے ایک ڈرم میں پیٹرول بھروا رہا ہے۔

پمپس کی ہڑتال نے روزگار کی تلاش میں نکلنے والے شہریوں کو سخت پریشانی میں مبتلا کررکھا ہے جب کہ پیٹرول کی ہڑتال کی وجہ سے پبلک ٹرانسپورٹ بھی متاثر ہے۔

دوسری جانب سیکرٹری پیٹرولیم ڈیلرز ایسوسی ایشن کا کہنا ہے کہ حکومت نے مطالبات تسلیم نہیں کیے اور جب تک ڈیلرمارجن 6 فیصد نہیں کیا جاتا مذاکرات نہیں ہوں گے۔

ڈیلرز کا کہنا ہے کہ حکومت نے مطالبات تسلیم کرنے کی یقین دہانی کروائی تھی لیکن اب تک کوئی رابطہ نہیں کیا گیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM