ورلڈ ٹی ٹوئنٹی : پاک بھارت مقابلے نے ویورشپ کے تمام ریکارڈز توڑ دیے

آئی سی سی ٹی ٹوئنٹی ورلڈ کپ2021  میں پاکستان اور بھارت کے میچ نے ویور شپ کے اگلے پچھلے تمام ریکارڈز توڑ دیے۔

24 اکتوبرکو پاکستان نے بھارت کو 10 وکٹوں سے شکست دی، یہی مقابلہ دنیا میں سب سے زیادہ دیکھا جانے والا ٹی ٹوئنٹی انٹرنیشنل میچ بن گیا۔

’پاکستان کا موقع پر چھکا‘، ٹی ٹوئنٹی ورلڈکپ میں بھارت کو شکست دیکر تاریخ بدل دی

پاکستان نے بھارت کو 10 وکٹوں سے شکست دی، محمد رضوان نے 79 اور بابر اعظم نے 68 رنز کی شاندار اننگز کھیلی

آئی سی سی نے تفصیلات جاری کرتے ہوئے بتایا ہے کہ پاک بھارت میچ کو 2 سو سے زائد ممالک میں نشر کیا گیا اور اس میچ کی تقریبا 10 ہزار گھنٹے کی لائیو کوریج ہوئی جبکہ اس میچ کو 16 کروڑ 70 لاکھ شائقین نے دیکھا۔

آئی سی سی کے مطابق اس میچ سے پاکستان ،بھارت ،آسٹریلیا ،انگلینڈ اور امریکا میں ویور شپ میں اضافہ ہوا۔

اس سے قبل 2016 میں ویسٹ انڈیز بھارت کا سیمی فائنل سب سےزیادہ دیکھا گیا تھا۔