آباد کا نسلہ ٹاور کے ذمہ داروں کے تعین کیلئے عدالت جانے کا اعلان

کراچی: ایسوسی ایشن آف بلڈرز اینڈ ڈویلپرز (آباد) کے چیئرمین محسن شیخانی نے نسلہ ٹاور کے ذمہ داروں کے تعین کے لیے عدالت جانے کا اعلان کردیا۔

کراچی میں میڈیا سے گفتگو کرتے ہوئے عبداللہ شیخانی نے کہا کہ ہم غیر قانونی تعمیرات کےخلاف ہیں، جس نے بھی غیرقانونی تعمیرات کیں ان کا تعلق آباد سے نہیں۔

انہوں نے کہا کہ شہر کا ایک ماسٹر پلان ہو جوسارے اسٹیک ہولڈرز کی مشاورت سے بنے جس کے لیے ہم اداروں سے ملاقات کے لیے تیار ہیں۔

چیئرمین آباد کا کہنا تھا کہ عمارتوں کی تعمیر کے لیے سنگل اتھارٹی ہونی چاہیے، نسلہ ٹاور کے ذمہ داروں کے تعین کے لیے عدالت جارہے ہیں، انکوائری کمیشن بیٹھے اور تمام چیزوں پر لائحہ عمل مرتب کرے، نسلہ ٹاور سے متعلق ہمیں اپیل کا حق ہے، جو بھی ادارہ ذمہ دارہے وہ معاوضہ دے۔

نسلہ ٹاور:’ فلیٹ لینے والوں کی بجائے بلڈر یا حکومت جس کی غلطی ہو پہلے اسے سزا دیں‘

ساری عمارتوں کا معاوضہ ادا کرنے لگے تو ہمیں 10 سے 15 سال لگیں گے اور اس کے لیے اربوں روپے چاہئیں: وزیر اطلاعات سندھ سعید غنی

عدالت نسلہ ٹاور کیلئے زمین اور ماسٹر پلان منظور کرنے والوں سے پوچھے: چیئرمین آباد

اگر 17 این او سی لینے اور کروڑوں روپے لگانے کے بعد بھی کاغذ کی اہمیت نہیں ہے تو ہم کیسے کاروبار کر سکتے ہیں: محسن شیخانی