مریم نواز کی نئی آڈیو سے پھر تھرتھلی مچ جانی ہے، شہباز گِل

وزیراعظم عمران خان کے معاون خصوصی برائے سیاسی ابلاغ شہباز گِل کا کہنا ہے کہ شاہد خاقان عباسی کی آج کی پریس کانفرنس مریم نواز کی نئی آڈیو کی وجہ سے ہے۔

شہباز گل نے کہا کہ مریم نواز  کی نئی آڈیو سے پھر تھرتھلی مچ جانی ہے  اسی لیے شاہد خاقان مہنگائی پر بات کر رہے تھے۔

'مہنگائی سے بڑی نیشنل سکیورٹی کونسی ہے، دفاعی اخراجات کیلئے بھی قرضےلینے پڑ رہے ہیں'

حکومت عوام کے سامنے اعتراف کرے کہ وہ ناکام ہوچکی ہے، جس طرح حکومت چل رہی ہے جلد ملک مہنگائی میں پہلے نمبر پر ہوگا، شاہد خاقان

علاوہ ازیں وفاقی وزیر اطلاعات فواد چوہدری نے اپوزیشن کو  تھکے ہوئے پہلوانوں کا اجتماع  قرار دے دیا اور کہا کہ ’پانچ چوہے گھر سے نکلے ، کرنے چلے شکار‘ ، اب ایک چوہا بچ گیا ہے، مہنگائی پر بات کرنے سے پہلے شاہد خاقان عباسی سسٹم کو سمجھ لیں ۔

فواد چوہدری نے کہا کہ  ن لیگ، پیپلز پارٹی اور شاہد خاقان عباسی اپنے دور میں سسٹم بہتر رکھتے تو آج مہنگائی نہ ہوتی ، الیکشن کمیشن درست سمت میں آگے بڑھ رہا ہے ، اگلے انتخابات ای وی ایم پر ہوں گے۔