03 دسمبر ، 2021
افغانستان کے مرکزی بینک کو انسانی امدادکی مد میں اقوام متحدہ کے مشن برائے افغانستان کی جانب سے ایک کروڑ 60 لاکھ ڈالرز کیش موصول ہوگیا۔
افغانستان کے مرکزی بینک نے جاری بیان میں کہا ہے کہ یواین مشن افغانستان سے ایک کروڑ 60 لاکھ ڈالرز کیش امداد یکم دسمبرکو کابل ائیرپورٹ پہنچی۔
مرکزی بینک کے مطابق کابل ائیرپورٹ سے رقم کو بینک منتقل کردیاگیاہے۔
اعلامیے میں کہا گیا ہے کہ مرکزی بینک مختلف اصولی طریقے استعمال کرکے غربت کے خاتمے کی کوشش کر رہا ہے، ملک کا بینکنگ نظام جلد معمول پر آجائے گا۔