میڈیکل طالبہ نوشین ڈپریشن کی گولیاں لیتی تھی، کیمیکل رپورٹ پولیس کو موصول

لاڑکانہ میڈیکل کالج میں مبینہ خودکشی کرنے والی طالبہ نوشین کاظمی کی کیمیکل رپورٹ پولیس کو موصول ہوگئی ہے۔

 رپورٹ میں زہر خورانی کے شواہد نہیں ملے تاہم یہ ضرور سامنے آیا ہے کہ نوشین کاظمی اینٹی ڈپریشن گولیاں لیتی تھی، اب صرف موبائل فون کی فارنزک اور ڈی این اے رپورٹ آنا باقی ہے۔

لاڑکانہ: چانڈکا میڈیکل کالج کی طالبہ کی ابتدائی پوسٹ مارٹم رپورٹ جاری

نوشین کے جسم کے بعض اندرونی اعضا مزید معائنےکے لیے بھیج دیےگئے ہیں جس کی رپورٹ بعد میں جاری کی جائےگی

ایس ایس پی لاڑکانہ عمران قریشی نے جیو نیوز کو بتایا کہ نوشین کاظمی کے بھیجے گئے نمونوں میں زہر خورانی کے شواہد نہیں ملے تاہم خون کے نمونوں میں سکون آور گولیوں کے ذرات پائے گئے ہیں۔

ایس ایس پی نے مزید بتایا کہ نوشین کے اہلخانہ نے اس متعلق بتایا بھی تھا وہ سکون کے لیے گولیاں لیتی ہے اور نوشین کے اہلخانہ بھی اینٹی ڈپریشن گولیاں لیتے ہیں۔

لاڑکانہ: چانڈکا میڈیکل کالج کی طالبہ نے پنکھے سےلٹک کر مبینہ طور پر خودکشی کر لی

طالبہ کے ہاسٹل کے کمرے کادروازہ نہ کھولنے پرتوڑاگیا تو اس کی لاش کمرے میں پنکھے سے لٹکی ہوئی ملی جبکہ طالبہ کا تعلق ضلع دادو سے ہے۔

ایس ایس پی لاڑکانہ کے مطابق میڈیکل رپورٹ، تحریروں کے فارنزک اور کیمیکل رپورٹس مکمل ہوگئی ہیں اور اب تک کی تحقیقات سے لگتا ہے کہ یہ خود کشی تھی قتل نہیں۔

ایس ایس پی لاڑکانہ عمران قریشی کے مطابق اب صرف ڈی این ای رپورٹ اور موبائل فون کی فارنزک رپورٹ آنا باقی ہے۔