15 دسمبر ، 2021
پاکستان کرکٹ ٹیم کے وکٹ کیپر بیٹر محمد رضوان سے اسٹیڈیم میں موجود خاتون مداح نے انوکھی درخواست کر ڈالی۔
کرکٹ ویب سائٹ ای ایس پی این کرک انفو نے اپنے ٹوئٹر اکاؤنٹ پر گزشتہ روز پاکستان اور ویسٹ انڈیز کے درمیان کھیلے گئے دوسرے ٹی ٹوئنٹی میچ کے دوران اسٹیڈیم میں موجود ایک خاتون کی تصویر شیئر کی۔
کراچی نیشنل اسٹیڈیم میں خاتون نے پلے کارڈ اٹھا رکھا تھا جس پر انگریزی میں تحریر تھا کہ 'رضوان پلیز اڈاپٹ می'۔
کرک انفو نے تصویر شیئر کرتے ہوئے کرکٹر محمد رضوان کو مینشن کیا اور ساتھ ہی ہیلو بھی کہا تاہم رضوان کی جانب سے اس ٹوئٹ پر کسی قسم کے ردعمل کا اظہار نہیں کیا گیا۔
لڑکی کی اس خواہش نے ہر دیکھنے والے کو حیران کردیا، ایک صارف نے کہا کہ آپ کی یہ خواہش پوری نہیں ہو سکتی کیونکہ رضوان پہلے ہی اپنے تکیے کو اپنا چکے ہیں۔
خیال رہے کہ گزشتہ روز پاکستان نے ویسٹ انڈیز کیخلاف دوسرے ٹی ٹوئنٹی میں فتح حاصل کرکے سیریز میں فیصلہ کن برتری حاصل کر لی ہے۔