'جو سمجھتے ہیں اداکارائیں فحاشی پھیلاتی ہیں وہ ٹی وی دیکھنا چھوڑ دیں'

پاکستانی اداکارہ اشنا شاہ نے ایک پیغام میں اداکاراؤں پر تنقید کرنے والوں کے لیے پیغام جاری کیا ہے۔

اشنا شاہ نے ٹوئٹر پر سخت زبان استعمال کرتے ہوئے کہا کہ ادب و آداب اور اپنی اخلاقیات کا خیال رکھنے والا ہر  پاکستانی جو اداکاری کے شعبے اور  اداکاروں کو کم تر سمجھتا ہے، اور یہ سمجھتا ہے کہ اداکارائیں فحاشی پھیلاتی ہیں وہ ٹی وی دیکھنا چھوڑ دیں۔

اداکارہ اشنا شاہ نے مزید لکھا کہ ایسے افراد وہ چینل بھی نہ دیکھیں جو اسلام کی تبلیغ نہیں کرتے۔

انہوں نے اپنی پوسٹ میں یہ بھی کہا کہ اپنی غیرت دکھائیں اور  ایسی ذہنیت والے افراد سوشل میڈیا کا استعمال بھی ترک کر دیں۔

برائیڈل فیشن ویک: علیزے کے بعد اشنا شاہ کے بھی لڑکھڑانے کی ویڈیو آگئی

اشنا شاہ گرتے گرتے بچیں، دائیں دیکھا، بائیں دیکھا اور حاضرین کو خاموش رہنے کا اشارہ کیا،عروسی لباس سنبھالا اور ریمپ پر دوبار واک شروع کردی

تاہم اشنا شاہ نے اپنے اس پیغام کی وجہ واضح نہیں کی لیکن اگر سوشل میڈیا صارفین کی رائے کے حوالے سے بات کی جائے تو اداکارہ کے مداحوں نے ان کی بات سے اتفاق کیا اور ناقدین کو بلاوجہ کی تنقید سے باز رہنے کا مشورہ بھی دیا۔