انٹرٹینمنٹ
16 دسمبر ، 2021

نادیہ حسین کی جانب سے اینکر کو کرارا جواب، سوشل میڈیا پر ویڈیو وائرل

ماڈل و اداکارہ نادیہ حسین نے نجی ٹی وی کے اینکر  کو کرارا جواب دیا جس کی ویڈیو سوشل میڈیا پر وائرل ہے۔

سوشل میڈیا پر  وائرل ویڈیو میں دیکھا جاسکتا ہے کہ  اینکر نے پہلے نادیہ حسین سے سوال کیا کہ آپ کو کھانے میں کیاپسند ہے اور جب انہوں نے بریانی کا نام لیا تو اینکر نے مزید پوچھا کہ اگر آپ کے سامنے گرما گرم بریانی رکھی ہوئی ہو تو کیا آپ اسے کھانا پسند نہیں کریں گی؟

مبینہ طور پر یہ سوال خواتین کے پہناوے کے تناظر میں تھا۔ اس سوال پر نادیہ حسین نے اینکر کو جواب دیا کہ اگر میں پرہیز کر رہی ہوں گی یا مجھے معلوم ہوگا کہ وہ میرے لیے ٹھیک نہیں تو میں بلکل نہیں کھاؤں گی۔

نادیہ حسین نے مزید کہا کہ اگر مجھے معلوم ہوگا کہ بریانی کھانے سے میں ایک جرم کر رہی ہوں تو میں یہ جرم نہیں کروں گی، اگر بریانی کھانا میرے لیے گناہ ہے تو میں نہیں کھاؤں گی۔

نادیہ حسین کا جواب سن کر اینکر نے فوری طور پر وقفہ لے لیا۔

نادیہ حسین کے اس مؤقف کو سوشل میڈیا پر خوب سراہا جارہا ہے اور صارفین بھی ان کے حق میں بول پڑے ہیں۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM