سائیڈ ونڈ اسکرین میں دراڑ، سعودی عرب جانے والی پرواز کی کراچی میں ہنگامی لینڈنگ
17 دسمبر ، 2021
پی آئی اے کی اسلام آباد سے سعودی عرب جانے والی پرواز کو کراچی میں ہنگامی طور پر اتار لیا گیا۔
قومی ائیرلائن کی پرواز پی کے 9753 اسلام آباد سے ریاض جارہی تھی، دوران پرواز بوئنگ 777 طیارے کے سائیڈ ونڈ اسکرین میں دراڑ پڑ گئی تھی جس پر طیارے کے کپتان نے کراچی ائیرپورٹ کے ائیرٹریفک کنٹرولر سے رابطہ کیا۔
ذرائع کے مطابق کپتان نے کراچی ائیرپورٹ پر لینڈنگ کی اجازت طلب کی اور اجازت ملنے پر طیارے کو کراچی ائیرپورٹ پر لینڈ کرایا گیا۔
پی آئی اے کے مطابق طیارے کی سائیڈ ونڈ اسکرین تبدیل کر کے ریاض روانہ کردیا گیا ہے۔
