04 جنوری ، 2022
بالی وڈ اداکار دھرمیندر نے بِیڑی کے اشتہار پر اپنی اور اہلیہ ہیما مالنی کی تصاویر پر وضاحت دے دی۔
سوشل میڈیا پر ایک صارف نے پرانا بیڑی کا اشتہار پوسٹ کیا جس میں دھرمیندر اور ہیما مالنی کی تصاویر تھیں۔
تصویرکے ساتھ صارف نے لکھا کہ جب بیڑی کے اشتہار سپر اسٹار کرتے تھے۔
اس پر دھرمیندر نے صارف کی تصحیح کرائی اور لکھاکہ یہ وہ وقت تھا جب کوئی بھی بغیر پوچھے کچھ بھی چھاپ لیتا تھا۔
خیال رہے کہ دھرمیندر اور ڈریم گرل اداکارہ ہیمامالنی کا شمار فلم انڈسٹری کی کامیاب جوڑیوں میں ہوتا ہے۔
دھرمیندر کی پہلی شادی 1954 میں 19 سال کی عمر میں ہوئی تھی جن سے ان کے 2 بیٹے سنی دیول اور بوبی دیول ہیں جبکہ ہیمامالنی سے ان کی شادی 1980 میں ہوئی جن سے ان کی دو بیٹیاں ایشا دیول اور آہانا دیول ہیں۔