نئے آئی فون میں کیا تبدیلیاں کی جارہی ہیں؟

امریکا کی معروف ٹیکنالوجی کمپنی ایپل اپنے نئے آئی فون 14 کو رواں سال متعارف کرانے جارہی ہے جس کا آئی فون کے صارفین کو بے چینی سے انتظار ہے۔

 رپورٹس کے مطابق ایپل نے آئی فون 14 میں کچھ تبدیلیاں کی ہیں جن میں ' پنچ ہول ڈسپلے' قابل ذکر ہے۔

ایپل کی پروڈکٹس پر نظر رکھنے والے ماہرین کے مطابق آئی فون 14 میں نوچ کی جگہ صرف فرنٹ کیمرہ ہوگا۔

آئی فون 14 سیریز کے ماڈلز میں روایتی سم کارڈز کو ختم کیے جانے کا امکان

صارفین موجودہ آئی فون سیریز کے ماڈلز میں ڈوئل سم نیٹ ورک استعمال کرنے کیلئے فزیکل نینو سم کارڈکا استعمال کرتے ہیں

 آئی فون کے پرانے موبائل فونز میں ‘نوچ سیلفی’ کیمرے کے ساتھ  چہرے کی شناخت (فیس آئی ڈی) بھی کام کرتی ہے، نئے  آئی فون میں نوچ کی جگہ کیمرہ ہوگا اور چہرے کی شناخت کے بجائے فنگر پرنٹ سینسر لگایا جائےگا۔

ماہرین کے مطابق  اس طرح  فائیو جی انٹرنیٹ والا آئی فون 14 سے مزید اچھی سیلفی لی جاسکے گی۔

رپورٹس کے مطابق  ستمبر 2022 میں متعارف ہونے والے آئی فون 14 سیریز میں فزیکل سم کارڈکا سلاٹ ختم کردیا جائے گا اور وہ موبائل فونز صرف ای سم (eSIM)کو سپورٹ کریں گے۔

اس سے قبل ایپل کمپنی ستمبر 2018 سے اپنے ماڈل آئی فون( XS) کے متعارف کرائے جانے کے بعد اپنے تمام ماڈلز میں ای سِم سپورٹ کا آپشن فرا ہم کررہی تھی لیکن اس کے ساتھ ساتھ صارفین فزیکل نینو سم کارڈ(Nano SIM card) کا آپشن بھی استعمال کر رہے تھے۔