پی سی بی کا کھلاڑیوں کو کورونا ویکسین کی بوسٹر ڈوز لگوانےکا فیصلہ

پاکستان کرکٹ بورڈ (پی سی بی) نےکوویڈ 19 کی غیر معمولی صورت حال کے پیش نظر کھلاڑیوں کو ویکسین کی بوسٹر ڈوز لگوانےکا فیصلہ کیا ہے۔

ذرائع کے مطابق قومی کرکٹ ٹیم میں شامل کھلاڑیوں کو فائز ر ویکسین کی تیسری خوراک لگائی جائےگی۔

کھلاڑیوں کے علاوہ سپورٹ اسٹاف میں شامل ارکان کو بھی  بوسٹر ڈوز لگائی جائیں گی۔

پہلے مرحلے پر قومی کھلاڑیوں اور آفیشلز کو کل این ایچ پی سی میں ویکسین لگائی جائے گی۔ اس سے قبل خواتین کرکٹرز اور سپورٹ اسٹاف کو فائزر ویکسین کے بوسٹرز لگ چکے ہیں۔