10 جنوری ، 2022
قومی کرکٹ ٹیم کے سابق فاسٹ بولر وقار یونس کی آنکھ کی معمولی سرجری آج شیڈول تھی جس سے قبل انہوں نے مداحوں سے دعاؤں کی اپیل کی ۔
وقار یونس نے ٹوئٹر پر اپنی تصویر پوسٹ کرتے ہوئے لکھا کہ'ایک چھوٹی سی سرجری کے لیے جا رہا ہوں، برائے مہربانی میرے لیے دعا کریں'۔
بظاہر ایسا لگ رہا ہے کہ وقار یونس نے سرجری سے چند لمحوں قبل اسپتال سے ہی تصویر کھینچ کر ٹوئٹر پر اپ لوڈ کی۔
دوسری جانب ان کے مداحوں اورکرکٹرز نے ٹوئٹر پر ردعمل دیتے ہوئے ان کی صحتیابی کے لیے دعا کی۔
اس کے علاوہ ابھی تک وقاریونس نے سرجری کے بعد اپنی صحت سے متعلق اپنے مداحوں کو مزید تفصیلات سے آگاہ نہیں کیا۔