بورس جانسن نے برطانیہ کیلئےکام کرنیوالے افغانوں کے بجائے جانوروں کے انخلا کو ترجیح دی
26 جنوری ، 2022
برطانوی دفتر خارجہ کی جانب سے سامنے آنے والی نئی ای میل سے انکشاف ہوا ہےکہ بورس جانسن نے جانوروں کے لیےکام کرنے والی فلاحی تنظیم کے عملے اور 173کتوں اور بلیوں کے افغانستان سے انخلا کے لیے احکامات خود جاری کیے تھے۔
برطانوی اراکین پارلیمنٹ کا کہنا ہے کہ ایسی صورت حال میں کہ جب برطانوی فوج کے لیے خدمات فراہم کرنے والے افغان شہریوں کا انخلا ممکن نہیں بنایا جاسکا، بورس جانسن کو جانوروں کے انخلا کو ترجیح نہیں دینا چاہیے تھی۔
اس سے قبل بورس جانسن نے اس معاملے سے لا تعلقی ظاہر کرتے ہوئے اسے احمقانہ قرار دیا تھا۔
کنزرویٹو سیاستدان زیک گولڈ اسمتھ نے بورس جانسن کے بیان کی تصدیق کرتے ہوئےکہا ہےکہ انہوں نے برطانوی پارلیمان کو گمراہ کیا تھا۔
