ہیرو کی گرل فرینڈ کی وجہ سے کئی فلموں سے نکالا گیا، روینا ٹنڈن

بالی وڈ اداکارہ روینا ٹنڈن اپنے وقت کی کامیاب اداکاراؤں میں سے ایک تھیں جن کی  گووندا، اکشے کمار اور اجے دیوگن کے ساتھ کافی ہٹ جوڑی تھی،تاہم کئی عرصے سے انہوں نے فلموں میں کام نہیں کیا۔

بھارتی میڈیا سے گفتگو کرتے ہوئے اداکارہ نے انکشاف کیا کہ ماضی میں ان کے ساتھی اداکار کی گرل فرینڈ کی وجہ سے انہیں کئی فلموں سے نکالا گیا۔

روینا ٹنڈن اور اکشےکھنہ پہلی بار ایک ساتھ جلوہ گر ہونے کو تیار

روینہ ٹنڈن پہلی مرتبہ اکشے کھنہ کے ساتھ کسی پراجیکٹ کا حصہ بنیں گی اور دونوں ویب سیریز ’لیگیسی‘ میں ساتھ نظر آئیں گے

روینا ٹنڈن نے بتایا کہ ماضی میں مجھے جان بوجھ کر ایک دو فلموں سے نکالا گیا کیونکہ ہیرو کی گرفرینڈ جو خود بھی اداکارہ تھی، مجھے پسند نہیں کرتی تھی وہ میرے بارے میں غیر محفوظ تھی۔ 

انہوں نے کہا کہ ہیرو کی گرل گرینڈ نے اداکار کو میری جگہ کسی اور اداکارہ کو فلم میں کاسٹ کرنے پر مجبور کیا۔

بھارتی میڈیا کے مطابق روینا نے بتایا کہ  اداکار کی گرل فرینڈ نے اسے بعد میں دھوکا دیا اور اسے چھوڑ کر چلی گئی۔

خیال رہے کہ اداکارہ نے ماضی کے مذکورہ ہیرو اور اس کی گرل فرینڈ کا نام نہیں لیا۔