'صرف 15 فیصد لوگ جہیز کو حقیقت میں لعنت سمجھتے ہوں گے'

اداکار سلمان ثاقب المعروف مانی نے جہیز سے متعلق عوام کی سوچ پر اظہارِ خیال کیا ہے۔

جیو نیوز کے پروگرام ’جشن کرکٹ‘ میں اداکار حرا مانی اور ان کے شوہر سلمان ثاقب نے شرکت کی جہاں میزبان کے پوچھے جانے والے سوالات کے دونوں مہمانوں نے بخوبی جواب دیے۔

دوران پروگرام جہیز سے متعلق سوال پر مانی نے کہا کہ مجھے لگتا ہے صرف 15 فیصد لوگ جہیز کو حقیقت میں لعنت سمجھتے ہوں گے۔

پانی سرسے اوپر نہیں لوگ سمندر کی تہہ میں جاچکے، وزیراعظم گھبرانے کی اجازت دیں:مانی

الیکشن ہوئے تو نوازشریف 90فیصد ووٹ لے جائیں گے:اداکار مانی

اسی پروگرام میں گفتگو کرتے ہوئے حرا مانی نے کہا کہ میں نے اپنے ابو کو جہیز کی بہت لمبی لسٹ دے دی تھی، بیٹیوں کو اپنے والد کا خیال رکھنا چاہیے۔

اداکارہ کا کہنا تھا کہ 80 فیصد مردوں کو لگتا ہوگا کہ بیویاں لڑنے کے بہانے ڈھونڈتی ہیں تاہم سلمان ثاقب نے انکشاف کیا کہ میری اور حرا کی بے وجہ باتوں پر لڑائی ہوتی ہے، ہم بہت چھوٹی چھوٹی باتوں پر لڑتے ہیں۔