10 مئی ، 2022
آپ کے آرڈر کیے گئے پارسل سے اگر آپ کی مطلوبہ چیز کے بجائے کچھ اور نکل آئے تو یہ یقیناً آپ کے لیے ناخوشگوار ہوگا۔
بھارتی ریاست کیرالہ کے شہر ترو واننتاپورم کی رہائشی پریا نے 5 مئی کے روز مقامی ہوٹل کو پراٹھا آرڈر کیا لیکن جب خاتون نے پارسل کھولا تو وہ پارسل میں پراٹھے کے ساتھ سانپ کی کھال کا ٹکڑا دیکھ کر حیران رہ گئیں۔
بعد ازاں پریا اور ان کے خاندان کی جانب سے فوری طور پر ہوٹل کے خلاف میونسپل حکام کو شکایت درج کروائی گئی جس پر حکام نے کارروائی کرتے ہوئے ہوٹل کو عارضی طور پر بند کردیا۔
بعد ازاں حکام نے مالکان کو مکمل صفائی کے بعد ہوٹل کھولنے کی ہدایت کی۔