ڈیرہ بگٹی میں ہیضےکی وبا بے قابو، 5 افراد جاں بحق ہوگئے

بلوچستان کے ضلع ڈیرہ بگٹی کے علاقے پیرکوہ میں ہیضےکی وبا پر قابو نہیں پایا جا سکا، 3 روز میں متاثرہ افرادکی تعداد 910 تک پہنچ گئی، ہیضے سے اب تک پانچ افراد انتقال کرچکے ہیں۔

 سیکرٹری صحت بلوچستان آغا صالح ناصرکا کہنا ہےکہ ادویات کی وافر مقدار  پیرکوہ پہنچا دی گئی ہے، صورت حال کے پیش نظر 4 نئی میڈیکل ٹیمیں اور 10کیمپ قائم کر دیےگئے ہیں۔

ڈیرہ بگٹی میں ہیضے کی وبا بے قابو ہوگئی

ہیضے کی وبا سے اب تک 4 افراد کا انتقال ہوچکا ہے جب کہ خواتین اور بچوں سمیت ایک ہزار 450 افراد اس وبا سے متاثر ہوئے ہیں

 آغا صالح ناصرکا کہنا ہےکہ ضلعے میں ہیضے کے ساتھ ٹائیفائڈ اور ہیپاٹائٹس کے کیسز بھی ہیں، ضلعے میں سول اسپتال نہیں،  رورل ہیلتھ سینٹر ہے جس کواپ گریڈ کیاجائےگا۔

دوسری جانب رہنما بلوچستان عوامی پارٹی سینیٹر سرفراز بگٹی نے بلوچستان حکومت کو تنقیدکا نشانہ بناتے ہوئےکہا ہےکہ حکومت غلط اعداد و شمار  پیش کر رہی ہے، پیرکوہ میں بچوں سمیت اب تک20 افراد جاں بحق ہوئے ہیں۔

سرفراز بگٹی کا کہنا ہےکہ ہیضے سے متاثرہ 524 مریض آج اسپتالوں میں داخل ہوئے، پیرکوہ ڈیرہ بگٹی میں ہیضے سے آج ایک شخص کاانتقال ہوا، وزیراعلیٰ بلوچستان اور وزیراعظم  پیرکوہ میں ہیضےکی وبا کا نوٹس لیں۔

 انہوں نے سوال کیا کہ پیرکوہ ڈیرہ بگٹی میں ایمرجنسی کے نفاذ کے لیے مزید کتنی اموات کی ضرورت ہے؟