پاکستان
16 مئی ، 2022

لاہور میں ٹریفک قوانین کی خلاف ورزی پر جرمانوں میں بڑا اضافہ

ٹریفک پولیس کی جانب سے سوشل میڈیا پر جاری پوسٹ میں جرمانوں کی تفصیلات بھی بتائی گئی ہیں۔ فوٹو: فائل
ٹریفک پولیس کی جانب سے سوشل میڈیا پر جاری پوسٹ میں جرمانوں کی تفصیلات بھی بتائی گئی ہیں۔ فوٹو: فائل

لاہور پولیس نے ٹریفک قوانین کی خلاف ورزی کرنے والوں پر جرمانوں میں بڑا اضافہ کر دیا۔

پنجاب پولیس کی جانب سے سوشل میڈیا پر جاری پوسٹ میں شہریوں کو خبردار کرتے ہوئے کہا گیا ہے کہ اب ٹریفک قوانین کی خلاف ورزی پر 200، 300 اور 500 کے بجائے 02 ہزار اور 05 ہزار جرمانہ ہو گا۔

اس حوالے سے سی ٹی او لاہور منتظر مہدی نے ڈی آئی جی ٹریفک پنجاب کو سفارشات بجھوا دی ہیں۔

ٹریفک پولیس لاہور کی جانب سے سوشل میڈیا پر  جاری پوسٹ میں جرمانوں کی تفصیلات بھی بتائی گئی ہیں۔

کس خلاف ورزی پر کتنا جرمانہ ہو گا؟ 

  • موٹر سائیکل کی غلط پارکنگ پر 2000 روپے جبکہ کار کی غلط پارکنگ پر 5000 روپے کا جرمانہ ہو گا۔
  • بغیر لائسنس موٹر سائیکل چلانے پر 2000 روپے جبکہ موٹر کار چلانے پر 5000 روپے کا جرمانہ ہو گا۔
  • ون وے کی خلاف ورزی کرنے والے موٹر سائیکل سواروں پر 2000 روپے اور موٹر کار والوں پر 5000 روپے جرمانہ عائد ہو گا۔
  • کالے شیشے والی گاڑیوں کو 5000 روپے جرمانہ دینا ہو گا۔
  • بغیر نمبر پلیٹ یا فینسی نمبر پلیٹ والی موٹر سائیکلوں پر 2000 روپے جبکہ موٹر کاروں پر 5000 روپے کا جرمانہ ہو گا۔
  • دیگر خلاف ورزیوں پر موٹر سائیکل پر 2000 روپے جبکہ موٹر کار پر 5000 روپے کا جرمانہ ہو گا۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM