پاکستان اسٹاک ایکسچینج میں بھی کاروبار کا منفی دن، انڈیکس 819 پوائنٹس گر گیا

پاکستان اسٹاک ایکسچینج میں بھی آج کاروبار کا منفی رجحان رہا جبکہ ڈالر مزید مہنگا اور سونے کی قیمت تاریخ کی نئی بلندی پر پہنچ گئی ہے۔

پاکستان میں سونے کی قیمت تاریخ کی نئی بلندی پر پہنچ گئی

ملک میں ایک تولہ سونے کی قیمت میں 700 روپے اضافہ ہوا ہے جس کے بعد اس کی قیمت ایک لاکھ 36 ہزار 600 روپے ہوگئی ہے

پاکستان اسٹاک ایکسچینج کا 100 انڈیکس 819 پوائنٹس کم ہوکر 42667 پر بند ہوا۔ کاروباری دن میں 1113 پوائنٹس کے بینڈ میں کاروبار ہوا۔

بازار میں آج 25 کروڑ شیئرز کے سودے ہوئے جن کی مالیت 8.90 ارب روپے رہی جبکہ مارکیٹ کیپٹلائزیشن 123 ارب روپے کم ہوکر 7076 ارب روپے ہوگیا ہے۔