بھارت میں پراسرار دھاتی گیندیں آسمان سے آگریں، شہری پریشان

بھارت میں پر اسرار دھاتی گیندیں آسمان سے گریں جس سے شہری پریشان ہوگئے۔—فوٹو: بھارتی میڈیا
بھارت میں پر اسرار دھاتی گیندیں آسمان سے گریں جس سے شہری پریشان ہوگئے۔—فوٹو: بھارتی میڈیا

بھارت میں پر اسرار دھاتی گیندیں  آسمان سے گریں جس سے  شہری پریشان ہوگئے۔

بھارتی میڈیا رپورٹس کے مطابق گزشتہ دنوں ریاست گجرات کے علاقے بھالج، کھمبھولاج اور رام پورہ  میں رہائشیوں کو  آسمان سے گرنے والی عجیب دھاتی گیندیں  ملیں۔

رپورٹس کے مطابق ان پراسرار دھاتی گیندوں کی ظاہری شکل نے گاؤں والوں کو حیران کر دیا۔

بھارتی میڈیا کے مطابق آسمان سے دھاتی گیندیں گرتے ہی مقامی رہائشی زور دار آواز سن کر ممکنہ زلزلے کے خوف سے گھروں سے باہر نکل آئے تاہم باہر آتے ہی انہوں نے ان گیندوں کو دیکھا جس کے بعد  علاقہ مکینوں نے مقامی پولیس سے رابطہ کیا جنہوں نے  تحقیقات شروع کرنے کے لیے فرانزک سائنس لیبارٹری کے ماہرین کی مدد لی۔

اطلاعات کے مطابق پہلی بڑی سیاہ دھات گیند جو تقریباً 5 کلو وزنی گھنٹی کی طرح دکھائی دیتی تھی، تقریباً  دوپہر 4:45 بجے بھالج میں گری۔ اس کے بعد کھمبولاج اور رام پورہ میں بھی اسی طرح کے واقعات پیش آئے۔

پولیس کا کہنا ہے کہ آسمان سے دھاتی گیندیں گرنے کے واقعات میں خوش قسمتی سے کوئی جانی یا مالی نقصان کی اطلاع نہیں ملی جبکہ ان کا کہنا ہے کہ ہمیں معلوم  نہیں ہے کہ یہ کس قسم کا خلائی ملبہ ہے؟ لیکن گاؤں والوں کے مطابق یہ آسمان سے گرا ہے۔

بھارتی میڈیا کے مطابق  پولیس  بھی یہ جاننے کی کوشش کر رہی ہے کہ ممکنہ طور یہ پر کیا چیز ہو سکتی  ہے؟ تاہم اس بات کا فیصلہ  فرانزک  لیبارٹری کی رپورٹ کے بعد ہی ہوگا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM