51 سالہ برطانوی شہری نے 36 گھنٹے جھولا جھول کر ورلڈ ریکارڈ بنادیا

برطانوی شہری رچرڈ اسکاٹ  نے 36 گھنٹے جھولا جھول کر گنیز ورلڈ ریکارڈز کی بک میں اپنا نام درج کروالیا۔

غیر ملکی میڈیا رپورٹس کے مطابق برطانیہ کے علاقے کنروس سے تعلق رکھنے والے 51 سالہ شہری  رچرڈ اسکاٹ نے ہفتے کی صبح 6 بج کر 10 منٹ پرایک میدان میں جھولنا شروع کیا اور اتوار کی شام  کو ختم کیا۔

گنیز ورلڈ ریکارڈز حکام کے مطابق اس دوران رچرڈ کو ہر گھنٹے بعد 5 منٹ کا وقفہ لینے کی اجازت تھی تاہم انہوں نے یہ وقفے ہر گھنٹے بعد نہیں بلکہ صبح 3 بجے  مختصر نیند کرنے کیلئے استعمال کیے۔

رپورٹس کے مطابق اسکاٹ نے  امریکی شہری کوئن لیوی کا 34 گھنٹے  جھولا جھولنے کا ریکارڈ توڑا جو انہوں نے اکتوبر 2020 میں بنایا تھا۔

گنیز ورلڈ ریکارڈ بنانے کے بعد رچرڈ اسکاٹ کا کہنا تھا کہ' میری ٹانگوں کے اوپری حصے میں ہلکی سی تکلیف ہے لیکن اس کے علاوہ میں بالکل ٹھیک ہوں۔ یہ ایک اچھا تجربہ رہا، میں کافی خوش ہوں'۔

روٹری کلب آف کنروس اینڈ ڈسٹرکٹ، جہاں اسکاٹ ایک رکن ہے نے فیس بک پر ریکارڈ کی ویڈیو شیئر کی۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM