دنیا
20 مئی ، 2022

امریکا کا بیرونی خطرات کے پیش نظر سعودی عرب کے دفاع کے عزم کا اظہار

رواں ہفتے واشنگٹن میں امریکی اور سعودی اسٹریٹیجک جوائنٹ پلاننگ کمیٹی کے درمیان اہم ملاقات ہوئی/ فوٹو سوشل میڈیا
رواں ہفتے واشنگٹن میں امریکی اور سعودی اسٹریٹیجک جوائنٹ پلاننگ کمیٹی کے درمیان اہم ملاقات ہوئی/ فوٹو سوشل میڈیا

امریکا نے سعودی عرب کو بیرونی خطرات کے پیش نظر اس کے دفاع کے عزم کا اظہار کیا ہے۔

امریکی محکمہ دفاع پینٹاگون کی جانب سے جاری بیان میں امریکا نے کہا ہے کہ وہ سعودی عرب کو بیرونی خطرات کے پیش نظر اس کے دفاع کے لیے پرعزم ہے۔

میڈیا رپورٹس کے مطابق پینٹاگون کی جانب سے یہ بیان رواں ہفتے واشنگٹن میں امریکی اور سعودی اسٹریٹیجک جوائنٹ پلاننگ کمیٹی کی ملاقات کے بعد جاری کیا گیا ہے۔

اسٹریٹیجک کمیٹی کی ملاقات میں امریکی وفد کی قیادت انڈر سیکرٹری برائے دفاع کولن کال اور سعودی وفد کی سربراہی نائب وزیر دفاع خالد بن سلمان نے کی۔

میڈیا رپورٹس کےمطابق امریکی انڈر سیکرٹری اور نائب وزیر دفاع نے دونوں ملکوں کے درمیان دفاعی شراکت داری کومضبوط بنانے کے عزم کا اعادہ کیا۔

پینٹاگون کے مطابق اس موقع پر سعودی نائب وزیر دفاع نے دونوں ملکوں کو اسٹریٹیجک پارٹنر قرار دیتے ہوئے سعودی عرب کو بیرونی خطرے کے پیش نظر امریکی تعاون کے عزم کو بھی سراہا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM