پاکستان
28 مئی ، 2022

'عمران خان اس بار ہیلی کاپٹر سے آجائے،روڈ سے آیا تو اٹک برج بھی کراس نہیں کرنے دیں گے'

فوٹو: فائل
فوٹو: فائل

وفاقی وزیر داخلہ  رانا ثناءاللہ کا کہنا ہے کہ عمران خان اس بار اسلام آباد ہیلی کاپٹر سے آجائے تو آجائے، ورنہ روڈ پر جلوس نکال کر آنے پر ہم اسے اٹک برج  بھی کراس نہیں کرنے دیں گے۔

وزیر داخلہ رانا ثناء اللہ نے جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے کہا کہ عمران خان چیف جسٹس، اداروں اور حکومت کو دھمکی دے رہا ہے، وہ دھونس اور بلیک میلنگ سے ہمیں اپنی شرائط پر لانا چاہتا ہے، دھمکی، گفتگو اور بلیک میلنگ کو تسلیم نہیں کرنا چاہیے۔

انہوں نے کہا کہ تحریک انصاف والے  لانگ مارچ میں  پوری تیاری سے اور خیبر پختونخوا اور گلگت بلتستان کی فورس لے کر آئے تھے، اگر ہم انہیں نہ روکتے تو یہ لوگوں کے گھروں میں گھستے، یہ پرامن رہنے کا معاہدہ بھی کریں تو گارنٹی کون دے گا۔

واضح رہے کہ عمران خان نے 25 مئی کو اسلام آباد کی جانب لانگ مارچ کا آغاز کیا تھا تاہم 26 مئی کو اسلام آباد پہنچ کر انہوں نے حکومت کو الیکشن کا اعلان کرنے کیلئے 6 دن کی ڈیڈلائن دیتے ہوئے کہا تھا کہ اگر ایسا نہ ہوا تو وہ دوباہ عوام کے ساتھ اسلام آباد آئیں گے۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM