23 جون ، 2022
صدر سپریم کورٹ بار احسن بھون نے مطالبہ کیا ہے کہ حکومت جسٹس فائز عیسیٰ کیس میں نظرِ ثانی اپیل واپس لے۔
احسن بھون کے مطالبے پر وفاقی وزیرِ قانون اعظم نذیر تارڑ نے جسٹس قاضی فائز عیسٰی کے خلاف دائر وفاقی حکومت کی نظر ثانی اپیل واپس لینے کی یقین دہانی کرادی۔
اعظم نذیر تارڑ نے کہا وہ وزیرِ اعظم شہباز شریف سے بات کریں گے اور آئندہ کابینہ اجلاس میں جسٹس قاضی فائز عیسیٰ نظر ثانی اپیل کا معاملہ اٹھائیں گے۔
ان کا کہنا تھا کہ حکومت پرویز مشرف کو واپس لانے کیلئے سہولت فراہم کرنا چاہتی ہے، وہ سزا یافتہ ہیں واپس آئیں اور قانون کا سامنا کریں۔