کیا عالیہ بھٹ رنبیر کی پہلی بیوی نہیں؟ اداکار نے پرانی کہانی بیان کردی

بالی وڈ اسٹارز  رنبیر کپور اور عالیہ بھٹ شادی کے بعد اپنی ازدواجی زندگی سے بھرپور لطف اندوز ہوتے ہوئے دکھائی دے رہے ہیں، عالیہ سے شادی سے قبل رنبیر کپور کے بالی وڈ حسیناؤں دپیکا پڈوکون اور کترینہ کیف سے بھی معاشقے مشہور رہے لیکن پھر  یہ سلسلہ عالیہ پر آکر رکا اور دونوں شادی کے بندھن میں بندھ گئے۔

عالیہ بھٹ اور رنبیر کپور کی شادی کی تصاویر سامنے آگئیں

بالی وڈ کی مقبول جوڑی عالیہ بھٹ اور رنبیر کپور آج یعنی 14 اپریل کو رشتہ ازدواج میں منسلک ہوگئے

رنبیر کی عالیہ سے شادی کے بعد سیکڑوں دل ٹوٹ گئے تھے لیکن کیا عالیہ بھٹ رنبیر کپور کی پہلی بیوی نہیں ہیں؟

اپنی آنے والی فلم شمشیرہ کی پروموشن میں مصروف رنبیر کپور سے ایک پروگرام کے دوران سوال کیا گیا کہ وہ  اپنی زندگی میں کسی پرستار کی جانب سے کیا گیا کوئی پاگل پن یا ایسا واقعہ بتائیں جسے وہ آج بھی یاد کرتے ہوں؟

عالیہ بھٹ نے رنبیر کپور کی کونسی چیز چوری کرلی؟

عالیہ بھٹ نے انسٹا گرام پرکچھ تصاویر اپ لوڈ کیں جن میں اداکارہ کو سیاہ رنگ کی ٹوپی پہنے دیکھا جاسکتا ہے

اس کے جواب میں ایک قصہ بتاتے ہوئے رنبیر کپور نے کہا کہ میں اسے پاگل پن تو نہیں کہوں گا کیوں کہ یہ ایک منفی لفظ ہے لیکن میرے شوبز کے ابتدائی دنوں میں جب میں اپنے والدین کے ساتھ کرشنا راج بنگلے میں رہتا تھا،  وہاں ایک لڑکی آئی اور اس نے میرے گھر کے دروازے سے شادی کر لی۔

رنبیر نے بتایا کہ ایک دن جب میں گھر واپس لوٹا تو چوکیدار نے بتایا کہ ایک لڑکی آئی تھی اور اس نے دروازے پر  ور مالا ڈالی، سندور  اور ٹیکا لگایا اور میرے گھر کے دروازے سے شادی کرلی۔

عالیہ سے شادی کے بعد رنبیر بدل گیا ہے: نیتو کپور

میں خود کو کافی خوش قسمت سمجھتی ہوں کہ عالیہ ہماری فیملی کا حصہ بنی، شادی کے بعد ناصرف رنبیر کی بلکہ ہماری زندگیاں بھی بدل گئی ہیں: نیتو کپور

رنبیر کپور نے ہنستے ہوئے کہا کہ مجھے ابھی اپنی اس پہلی بیوی سے ملنا ہے۔ یقیناً یہ ایک انتہائی دلچسپ کہانی ہے لیکن دیکھنا ہے کہ رنبیر کے اس انکشاف پر عالیہ بھٹ کیا کہتی ہیں۔

عالیہ بھٹ نے اپنے کیریئر کے آغاز ہی میں رنبیر کپور  کے حوالے سےاپنی پسندیدگی کو کھل کر بیان کردیا تھا اور کہا تھا کہ وہ رنبیر کپور کو اپنا بوائے فرینڈ بنانا چاہتی ہیں، تب کس نے سوچا تھا کہ وہ اپنے کرش سے ہی شادی کے بندھن میں بندھ جائیں گی۔

رنبیر کپور اعتراف کرتے ہیں کہ انہیں عالیہ سے اچھی بیوی نہیں مل سکتی تھی۔ دونوں کی آنے والی فلم ‘براہمسترا’ کا شائقین بے صبری سے انتظار کر رہے ہیں جبکہ فلم شمشیرہ کے ٹریلر کی مقبولیت سے اندازا ہو تا ہے کہ مداح شمشیرہ سے اپنے پسندیدہ ہیرو کی واپسی پر بے حد خوش ہیں۔