پاکستان
28 جون ، 2022

نجی موبائل کمپنی کا ہر ری چارج پر صارفین سے 5 روپے اضافی وصول کرنے کا فیصلہ

ایک ایس ایم ایس بھیج کر صارفین کو اس سے آگاہ کیا گیا / فائل فوٹو
ایک ایس ایم ایس بھیج کر صارفین کو اس سے آگاہ کیا گیا / فائل فوٹو

پاکستان میں آپریٹ کرنے والی ایک غیر ملکی موبائل کمپنی نے اخراجات میں اضافے کو جواز بنا کر صارفین سے ہر بار اسکریچ کارڈ کے ذریعے بیلنس ری چارج کرنے پر اضافی 5 روپے وصول کرنے کا فیصلہ کیا ہے۔

اس حوالے سے موبائل آپریٹر کی جانب سے صارفین کو ایک ایس ایم ایس بھیج کر آگاہ کیا گیا۔

اس ایس ایم ایس میں کہا گیا کہ ’اخراجات بڑھنے کے باعث 30 جون 2022 سے اسکریچ کارڈ کے ذریعے کیے جانے والے  ہر ری چارج  پر 5 روپے کی کٹوتی کی جائے گی۔‘

کمپنی کی جانب سے صارفین کو یہ ایس ایم ایس بھیجا گیا / اسکرین شاٹ
کمپنی کی جانب سے صارفین کو یہ ایس ایم ایس بھیجا گیا / اسکرین شاٹ

اس حوالے سے موبائل آپریٹر نے واضح نہیں کیا کہ یہ 5 روپے اِس وقت اسکریچ کارڈ سے بیلنس ری چارج پر سیلز ٹیکس کیلئے منہا کی جانے والی رقم کا حصہ ہیں یا یہ 5 روپے کی کٹوتی اس سے الگ ہے۔

اس حوالے سے ابھی پاکستان ٹیلی کمیونیکیشن اتھارٹی (پی ٹی اے) کی جانب سے بھی کوئی بیان سامنے نہیں آیا ہے۔

اس ایس ایم ایس کے بعد ٹوئٹر پر صارفین نے ردعمل کا اظہار کیا ہے۔

ان کا کہنا تھا کہ اب حکومت کہاں ہے جس کا کہنا تھا کہ بڑی صنعتوں پر ٹیکسوں کے نفاذ سے عام افراد یا صارفین متاثر نہیں ہوں گے۔

نجی موبائل کمپنی کا ہر  ری چارج پر صارفین سے 5 روپے اضافی وصول کرنے کا فیصلہ

ایک ٹوئٹر صارف نے یہ لکھا کہ ’بس اسی کی کمی تھی۔‘

نجی موبائل کمپنی کا ہر  ری چارج پر صارفین سے 5 روپے اضافی وصول کرنے کا فیصلہ


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM