پاکستان
29 جون ، 2022

کراچی میں بجلی کا سنگین بحران، کے الیکٹرک نے ملبہ ایندھن کی قیمتوں پر ڈال دیا

اس صورتحال کی بڑی وجہ ایندھن کی قلت اور عالمی سطح پر ایندھن کی قیمتوں میں ہوشربا اضافہ بھی ہے: ترجمان/ فائل فوٹو
اس صورتحال کی بڑی وجہ ایندھن کی قلت اور عالمی سطح پر ایندھن کی قیمتوں میں ہوشربا اضافہ بھی ہے: ترجمان/ فائل فوٹو

کراچی میں موسم گرم ہونے کے باعث بجلی کا شارٹ فال 250 میگا واٹ سے بڑھ کر 400 سے 500 میگا واٹ تک جاپہنچا۔

ترجمان کے الیکٹرک کے مطابق پچھلے 24 گھنٹوں میں بجلی کی اوسطاً فراہمی 2700 میگاواٹ ہے جس میں نیشنل گرڈ سے حاصل کردہ اوسطاً 1000میگاواٹ بجلی بھی شامل ہے۔

ترجمان  نے بتایا  کہ گرمی میں اضافے کے باعث بجلی کی طلب میں اضافہ ہوا جب کہ اس تمام صورتحال کا تعلق ملکی سطح پر  ہونے والے بجلی بحران سے ہے، اس  صورتحال کی بڑی وجہ ایندھن کی قلت اور عالمی سطح پر ایندھن کی قیمتوں میں ہوشربا اضافہ بھی ہے۔

ترجمان کے الیکٹرک  کا کہنا تھا کہ اس وقت کراچی میں شارٹ فال 250 میگا واٹ سے بڑھ کر 400 سے 500 میگاواٹ تک جا پہنچا ہے جس کے باعث رات میں مجبوراً لوڈشیڈنگ کی جارہی ہے ، قدرتی گیس کی عدم فراہمی کے باعث 2 پاور پلانٹس بند ہیں۔

انہوں نے مزید کہا کہ شہر میں کہیں بھی غیر اعلانیہ لوڈشیڈنگ نہیں کی جارہی، کے الیکٹرک کی ویب سائٹ پر لوڈشیڈنگ کا شیڈول موجود ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM