پاکستان
01 جولائی ، 2022

اگر کورونا بڑھا تو پھر سخت اقدامات کرنا پڑیں گے: وزیراعلیٰ سندھ

وزیراعلیٰ سندھ مراد علی شاہ کی زیر صدارت کورونا ٹاسک فورس کا اجلاس ہوا جس میں صوبے میں کورونا کی صورتحال کا جائزہ لیا گیا/ اسکرین گریب
وزیراعلیٰ سندھ مراد علی شاہ کی زیر صدارت کورونا ٹاسک فورس کا اجلاس ہوا جس میں صوبے میں کورونا کی صورتحال کا جائزہ لیا گیا/ اسکرین گریب 

کراچی: وزیراعلیٰ  سندھ  مراد علی شاہ نے کہا ہے کہ اگرکورونا کے مزید کیسز بڑھے تو شاید حکومت کو پھر سخت اقدامات لینے پڑیں گے۔

وزیراعلیٰ سندھ مراد علی شاہ کی زیر صدارت کورونا ٹاسک فورس کا اجلاس ہوا جس میں صوبے میں کورونا کی صورتحال کا جائزہ لیا گیا جب کہ اس دوران سیکرٹری صحت نے اجلاس کو بریف کیا۔

سیکرٹری صحت نے بریفنگ میں بتایا  کہ کورونا کیسز کا ٹرینڈ 24 جون سے بڑھنا شروع ہوا ہے اور 24جون کو کورونا کے 248 مثبت کیسز تھے، 26 جون کو 337، 28 کو 431 اور 30 جون کو 465 کیسز رپورٹ ہوئے۔

بریفنگ میں بتایا گیا کہ اس وقت کورونا کے کل مریضوں کی تعداد 63 ہے جن میں 4 وینٹی لیٹرزپرہیں جب کہ کراچی میں کورونا کے ہفتہ وار 19 فیصد کیسز ظاہر ہوئے، ہفتہ وار کیسز کے تناسب سے کراچی میں کورونا کے سب سے زیادہ کیسز ہیں۔

ترجمان کے مطابق اس موقع  پر وزیراعلیٰ نے عوام سے اپیل  کی کہ وہ کورونا سے بچنے کے لیے ایس او پیز پر عمل کریں جب کہ ویکسی نیشن کرائیں اور بوسٹر لگوائیں۔

وزیراعلیٰ کا کہنا تھا کہ اگرکورونا کے مزید کیسز بڑھے تو شاید حکومت کو پھر سخت اقدامات  لینے پڑیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM