01 جولائی ، 2022
سپریم کورٹ نے پنجاب اسمبلی میں تحریک انصاف کے پارلیمانی لیڈر محمود الرشید کو سننے سے انکار کردیا۔
محمود الرشید نے روسٹرم پر آکر کہا تھا کہ اتحادی جماعتوں نے طے کیا ہے کہ ہاؤس مکمل ہونے دیا جائے، انتخاب کیلئے 17 جولائی کے بعد کا وقت دے دیں۔
اس پر جسٹس اعجاز الاحسن بولے کہ آپ درخواست گزار نہیں ، آپ کو نہیں سن سکتے۔
چیف جسٹس پاکستان جسٹس عمر عطا بندیال نے کہا کہ دیکھنا چاہ رہے تھے سینیئر سیاست دان مسئلہ کیسے حل کرتے ہیں۔
دوران سماعت جسٹس اعجاز الاحسن بولے کہ فریق راضی ہیں، تنازع یہ ہے کہ اس دوران وزیر اعلیٰ کون ہوگا؟ حمزہ شہباز نے کہا کہ دوسرے پول تک صوبے کا سربراہ نہیں ہوگا تو صوبہ کیسے چلے گا؟ دوسرا پول آج ہی کروائیں تاہم سپریم کورٹ نے وزیراعلیٰ پنجاب کا الیکشن 22 جولائی کو کرانے کا حکم دے دیا۔