01 جولائی ، 2022
وزیراعلیٰ پنجاب حمزہ شہباز نے سپریم کورٹ کو بتایا کہ اگر ان کے پاس رن آف الیکشن کے نمبرز نہ ہوتے تو یہاں پیش نہ ہوتے۔
سپریم کورٹ کے فیصلے کے بعد میڈیا سے گفتگو میں حمزہ شہباز نے کہا کہ جتنے بھی آئینی بحران آئے کوئی انہیں عوام کیلئے آسانیاں پیدا کرنے سے نہیں روک سکا۔
حمزہ شہباز نے سپریم کورٹ کے 22 جولائی کو وزیراعلیٰ پنجاب کا الیکشن دوبارہ کرانے کے حکم پر ردِ عمل دیتے ہوئے کہا کہ عوام کو ریلیف دینے کیلئے دن رات کام کیا، جب تک ہیں صوبے کے عوام کی خدمت کرتے رہیں گے۔
وزیراعلیٰ پنجاب حمزہ شہباز نے کہا ہے کہ ضمنی الیکشن کے بعد 22 جولائی کو وزارت اعلیٰ کا الیکشن دوبارہ ہوگا،17 جولائی کو دودھ کا دودھ اورپانی کا پانی ہوجائے گا۔