مفتاح اسماعیل کا سابقہ دور سے 45 فیصد زیادہ ٹیکس اکٹھا کرنے کا دعویٰ

وفاقی وزیر خزانہ مفتاح اسماعیل نے سابقہ دور سے 45 فیصد زیادہ ٹیکس اکٹھا کرنے کا دعویٰ کیا ہے۔

گزشتہ روز  چیئرمین فیڈرل بورڈ آف ریونیو( ایف بی آر) عاصم احمد  کے ساتھ پریس کانفرنس کرتے ہوئے مفتاح اسماعیل نے کہا کہ ایف بی آر نے جو سوچا تھا وہ کر کے دکھایا۔

ان کا کہنا تھا کہ ایف بی آر نے 6100 ارب روپے زیادہ ٹیکس جمع کیا، 379 ارب روپے انکم ٹیکس کی مد میں جمع کیے جبکہ  ہدف پورا کرنے کے لیے کسی قسم کا کوئی ایڈوانس ٹیکس نہیں لیا اور انکم ٹیکس کے تمام کلیمز واپس کردیے ۔

پیٹرول کی قیمت میں اضافے کا اعلان مجھے ٹی وی پر آکر نہیں کرنا چاہیے تھا: مفتاح

میرے اور ساتھی پیٹرولیم مصنوعات کی قیمتوں میں اضافے کا اعلان کرتے مگر وزیراعظم نے فیصلہ کیا اعلان میں کروں گا: وزیر خزانہ کا بیان

دوسری جانب چیئرمین ایف بی آر عاصم احمد نے کہا کہ ٹارگٹ بہت مشکل تھا ، ایڈوانس ٹیکس کی مانیٹرنگ کا سسٹم بنایا گیا ہے ۔

چیئرمین ایف بی آر نے کہا کہ مانیٹرنگ کی وجہ سے ایڈوانس ٹیکس کی مد میں 58 فی صد اضافے سے 565 ارب روپے اکٹھے کیے گئے جو گزشتہ سال 360ارب روپے تھے۔رواں سال سیکنڈ ٹیئر کے چار ہزار دوکانداروں کو ٹیکس نیٹ میں شامل کیا ہے یہ تعداد رواں سال 11 سے 12 ہزار تک بڑھائی جائے گی۔