انٹرٹینمنٹ
02 جولائی ، 2022

تین مرتبہ شادی کا سوچا لیکن خدا نے بچالیا: سشمیتا سین

حال ہی میں سشمیتا اداکارہ ٹوئنکل کھنا کے ویب شو میں شریک ہوئیں جہاں انہوں نے اپنے کیرئیر سمیت ذاتی زندگی کے بارے میں گفتگو کی—فوٹو: فائل
حال ہی میں سشمیتا اداکارہ ٹوئنکل کھنا کے ویب شو میں شریک ہوئیں جہاں انہوں نے اپنے کیرئیر سمیت ذاتی زندگی کے بارے میں گفتگو کی—فوٹو: فائل

بالی وڈ کی معروف اداکارہ اور سابقہ مِس یونیورس سشمیتا سین نے اب تک شادی نہ کرنے کی وجہ بتائی ہے۔

حال ہی میں سشمیتا اداکارہ ٹوئنکل کھنا کے ویب شو میں شریک ہوئیں جہاں انہوں نے اپنے کیرئیر سمیت ذاتی زندگی کے بارے میں گفتگو کی۔

سابقہ مس ورلڈ نے اپنی شادی سے متعلق کہا کہ 'میری زندگی میں تین مرد آئے جو بہترین شخصیت کے مالک تھے، انہوں نے میری دونوں گود لی گئی بیٹیوں کو بھی کھلے دل سے قبول کیا لیکن وہ کسی طرح سے خود کو غیر محفوظ سمجھتے تھے'۔

سشمیتا نے کہا 'زندگی میں تین مرتبہ شادی کا سوچا لیکن شکر ہے کہ خدا نے مجھے بچا لیا، ورنہ پتا نہیں ہماری زندگیاں کس حد تک خراب ہوسکتی تھیں، خدا نے میری دونوں بیٹیوں کی بھی حفاظت کی'۔

اداکارہ نے اپنی بیٹیوں رینی اور ایلیسا کے بارے میں کہا کہ 'انہوں نے ہمیشہ میری زندگی میں آنے والے مردوں کی عزت کی، مجھے یہ دیکھ کر بے حد خوشی ملتی تھی کہ دونوں میرے لیے ان افراد کو قبول کرتی تھیں اور ان سے محبت بھی کرتی تھیں'۔

سشمیتا نے یہ بھی بتایا کہ مس یونیورس بننے سے قبل جب مجھے کوئی نہیں جانتا تھا تو اس وقت میں نے کریڈٹ کارڈز بھی فروخت کیے، میں لوگوں کی منت سماجت کیا کرتی تھی تاکہ وہ یہ کریڈٹ کارڈز خرید لیں۔

واضح رہے کہ سشمیتا سین نے گزشتہ برس دسمبر میں خود سے 16 سال چھوٹے بوائے فرینڈ روہمن شال سے تعلقات ختم کرنے کی تصدیق کی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM